loading...
Ağdamdan Səlim Müslümova müraciət: “Gəlin özünüz yoxlayın və görün ki…”

Ağdamdan Səlim Müslümova müraciət: “Gəlin özünüz yoxlayın və görün ki…”Ağdam rayon Əfətli kənd sakini III qrup əlil Əhmədov Ramin Məhəddin oğlu Əmək və Əhalinin Sosial Müdafiəsi naziri Səlim Müslümova mwraciət ünvanlayıb. Surəti cumhuriyyet.az-ın elektron poçtuna göndərilən həmin müraciəti olduğu kimi təqdim edirik:
“Mən III qrup əliləm. 2016-cı ilin fevral ayından Ağdam Məşğulluq Mərkəzində işsiz kimi qeydiyyata durmuşam. İxtisasca “Elektirik mantiyoruyam” və bundan əlavə olaraq kompuyuter proqramlarından yüksək səviyyədə istifadə etməyi bacarıram. Ağdam ərazisində yerləşən bir neçə idarədə də işsiz kimi müraciət etmişəm və qeydiyyata alınmışam. Bir əlil insan kimi hara gedirəmsə yaxın vaxtlarda iş olan kimi sənin əlil və cəbhə kəndində yaşamağını nəzərə alıb səni işlə təmin edəcəklər deyib yola salırlar. 4 nəfərdən ibarət ailə üzvülərimiz çox kasıb şəraitdə yaşayırıq. Atam, anam və mən 2016-cı ildən Ağdam Məşğulluq Mərkəzində işsiz kimi qeydiyyata durmuşuq. 2016-cı ildən bu günə kimi Ağdam Məşğulluq mərkəzinə gedib gəlməkdən bezmişik artıq. Mən kasıb bir əlil insanam, dövlət tərəfindən əliliyimə görə 47 manat penisiyə alıram. Bu 47 manat pulla mən dolana bilmirəm. 2 il ərzində Ağdam Məşğulluq Mərkəzi bir ailənin 3 üzvündən birini işlə təmin edə bilmirmi? Yox əgər işlə təmin edə bilmirsə onda bu idarənin fəaliyyəti aidiyyatı qurumlar tərəfindən yoxlanmalıdırmı?
Hörmətli Səlim Müslümov!
Şəffaflığın Artırılması və Korrupsiyaya Qarşı Mübarizə üzrə Milli Strategiya Haqqında fərmanın və qanunun tələblərini rəhbər tutaraq Ağdam Məşğulluq Mərkəzinin son 3 il ərzində fəaliyyətini respublika səviyyəli komissiya tərəfindən azərbaycan ictimaiyyətinin diqqət mərkəzində saxlanılmaqla və bütün marağı olan kütləvi informasiya vasitələri nümayəndələrinin iştirakı ilə işıqlandırılmasına şərait yaradılmaqla yoxlanılmasını məqbul hesab edirəm və bu prosesə pərdəarxası müdaxilələrə yol verə biləcək bütün yüksək vəzifəli məmurların hərəkətlərinin diqqət altına alınması üçün müvafiq tədbirlərin həyata keçrilməsinə və müvafiq orqanlara göstəriş verilməsini və prosesin nəzarətdə saxlanılmasını hüquqi, demokratik ölkənin vətəndaşı olaraq və Azərbaycan Respublikası Prezidenti cənab İlham Əliyevin korrupsiyaya qarşı mübarizədə ictimaiyyətə çağırışına qoşularaq xahiş edirəm!”



Baxış sayı: 122