SON XƏBƏRLƏR
loading...
İşdən qovulan generalları nə gözləyir?

İşdən qovulan generalları nə gözləyir?Ötən gün Baş Prokurorluq, Dövlət Təhlükəsizliyi Xidməti və Dövlət Gömrük Komitəsi əməkdaşlarının keçirdiyi birgə əməliyyat nəticəsində dərman vasitələrinin qanunsuz dövriyyəsi ilə məşğul olan mütəşəkkil dəstənin ifşa olunması barədə məlumat yayılıb.

“Qafqazinfo” xəbər verir ki, əməliyyat nəticəsində Dövlət Gömrük Komitəsinin yüksək vəzifəli məmurları işdən çıxarılıb. Onlar Hava Nəqliyyatında Baş Gömrük İdarəsinin rəisi, general-mayor Sadiq Abduyev, Tibbi Xidmət İdarəsinin rəisi general-mayor Fikrət Qədiməliyev, Hava Nəqliyyatında Baş Gömrük İdarəsinin Birinci yük şöbəsinin rəisi Araz Məmmədov və başqalarıdır.

Bir neçə şəxs yəni, Məmmədli Fərman Həmzə oğlu, Xıdırov Vasif Teymur oğlu, Mehtiyev Cəmil Səlim oğlu, Atanur Ateş Adem oğlu, Məmmədov Anar Kamran oğlu, həmçinin Quliyev Əlamət Nazim oğluna müvafiq olaraq Cinayət Məcəlləsinin 200-1.2.2, 200-1.2.3 (dərman vasitələrinin qanunsuz dövriyyəsi), 206.3.2, 206.3.3 (qaçaqmalçılıq) və 314.2 (səhlənkarlıq) maddələri ilə ittiham elan olunmaqla barələrində məhkəmənin qərarları ilə həbs qətimkan tədbiri seçilib.

“Qafqazinfo” sözügedən şəxslər haqqında maraqlı məlumatlar əldə edib.

Belə ki, gömrük xidməti general-mayoru Sadiq Abduyev uzun illər bu sahədə çalışıb. Prezident tərəfindən 3-cü dərəcəli "Vətənə xidmətə görə" ordeni ilə təltif olunub. Onun böyük biznesə sahib olduğu haqqında məlumatlar var. Həyat yoldaşı Könül Abduyeva şəhərin mərkəzində yerləşən “K.aan” modalar evinin rəhbəridir.

Tibbi Xidmət İdarəsinin rəisi Fikrət Qədiməliyev 1962-ci ildə Masallı rayonunda anadan olub. İxtisaca uroloqdur. 2008-ci ildən Mərkəzi Gömrük Hospitalında çalışır. Ailəlidir, 2 övladı var. 2014- cü ildə prezident tərəfindən ona “əməkdar həkim" adı verilib.

Həbs edilən Məmmədli Fərman Həmzə oğlu isə 2012- ci ildə gömrük işinin inkişaf etdirilməsində xüsusi xidmətlərinə, vəzifələrini ləyaqətlə yerinə yetirdiklərinə və gömrük orqanlarında səmərəli fəaliyyət göstərdiklərinə görə “dövlət qulluğunda fərqlənməyə görə” ordeniylə təltif edilib.

Bu məqamda qeyd edək ki, işdən qovulan yüksək vəzifəli gömrük əməkdaşları Sadiq Abduyev və Fikrət Qədiməliyevin həbs olunacağı deyilir. Məlumdur ki, onlarla işbirliyində ittiham olunan şəxslərlə bağlı həbsqətimkan tədbiri seçilib.



Baxış sayı: 110